Framúrskarandi fyrirtæki 2019

Sagaz ehf. hefur annað árið í röð hlotið nafnbótina „Framúrskarandi fyrirtæki“ en það er Creditinfo sem veitir fyrirtækjum sem standa sig vel og þykja stuðla að bættu viðskiptaumhverfi. Aðeins um 2% íslenskra fyrirtækja hlutu þessa tilnefningu í ár.

Viljum við einnig nota tækifærið og óska okkar viðskiptavinum sem komust á listann til hamingju með árangurinn.

Á vefsíðu Creditinfo er ítarlega fjallað um hvaða skilyrði fyrirtæki verða að uppfylla til að teljast framúrskarandi en þar segir m.a. að „Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Það er því eftirsóknarvert að komast á lista Framúrskarandi fyrirtækja og njóta þannig aukins trausts.“

Annars gengur vinnsla verksins vel og stefnum við á að senda út fyrstu prófarkirnar fljótlega á nýju ári.

Birt í Uncategorized | Færðu inn athugasemd

Uppfærðar leiðbeiningar

Vinnslan við útgáfu verksins fyrir árið 2020 hefur gengið afar vel og ljóst að þátttaka í verkefninu verður mun meiri en í fyrri skipti.

Við viljum benda á að við höfum einfaldað og uppfært leiðbeiningarnar sem við höfum sent þátttakendum og vonumst til þess að það muni einfalda ykkur skrifin.

Eins viljum við nefna að við leggjum mikið upp úr myndefni og óskum eftir því að það sé „lifandi“ og persónulegt.
Myndir af eigendum / stjórnendum, hópmyndir af stjórn eða fólki við leik og störf.
Mjög mikilvægt er að myndatexti fylgi öllum myndum og endilega nafngreinið þá aðila sem eru á myndunum.
En þetta hefur mikið að gera með heimildargildi, ekki síst þegar frá líða stundir.

Birt í Uncategorized | Færðu inn athugasemd

Jólakveðja

Birt í Uncategorized | Færðu inn athugasemd

Við viljum byrja á því að óska þeim fyrirtækjum sem fengu nýlega viðurkenningu frá Creditinfo fyrir framúrskarandi árangur. En við erum afar stolt af því að vera í hópi þessara glæsilegra fyrirtækja.

Framvinda verksins Ísland 2020, atvinnuhættir og menning, gengur eftir óskum og þær áætlanir sem við settum í byrjun verksins hafa staðist og gott betur sem við erum einkum ánægð með.

Efnisöflun í ritverkið gengur vel og gífurlegt magn efnis hefur safnast saman og er vinnslan við það í fullum gangi.

Við höldum áfram að leyfa ykkur að fylgjast með framvindu verkefnisins alveg fram að útgáfu.

Sé ekki komið að efnisskilum hjá ykkur þá mun ykkur verða sendur tölvupóstur þegar nær dregur efnisskilum með ýmsum upplýsingum sem geta nýst ykkur við vinnslu greinarinnar og vali á ljósmyndum.

Birt í Uncategorized | Færðu inn athugasemd

Framúrskarandi fyrirtæki

Sagaz ehf. hefur hlotið nafnbótina „Framúrskarandi fyrirtæki 2018“ en það er Creditinfo sem veitir fyrirtækjum sem standa sig vel og þykja stuðla að bættu viðskiptaumhverfi. Aðeins um 2% íslenskra fyrirtækja koma til greina sem Framúrskarandi fyrirtæki.

Á vefsíðu Creditinfo er ítarlega fjallað um hvaða skilyrði fyrirtæki verða að uppfylla til að teljast framúrskarandi en þar segir m.a. að „Framúrskarandi fyrirtæki byggja rekstur sinn á sterkum stoðum og efla hag fjárfesta og hluthafa. Það er því eftirsóknarvert að komast á lista Framúrskarandi fyrirtækja og njóta þannig aukins trausts.“

Birt í Uncategorized | Færðu inn athugasemd

Staða mála.

Það er gaman frá því að segja að allar áætlanir varðandi útgáfuverkið Ísland 2020, atvinnuhættir og menning ganga samkvæmt áætlun og í raun erum við töluvert á undan áætlun.

Efnisöflun í ritverkið hófst formlega í mars mánuði og hefur gengið vonum framar.

Við munum leyfa ykkur að fylgjast með framvindu verkefnisins alveg fram að útgáfu.

Ykkur mun verða sendur tölvupóstur þegar nær dregur ykkar efnisskilum með ýmsum upplýsingum sem geta nýst ykkur við vinnslu greinarinnar.

Við viljum benda á heimasíðuna okkar www.isat.is en þar er að finna almennar upplýsingar um verkefnið í heild.

Birt í Uncategorized | Færðu inn athugasemd

Nýr liðsmaður

Valgeir Skagfjörð hefur bæst við hópinn okkar og mun sjá um greinaskrif fyrir þau fyrirtæki sem þess óska. Hann er ekki ókunnugur verkinu en hann var einnig í hópnum þegar unnið var að Ísland 2010 verkinu.

Valgeir hefur komið víða við en hann er menntaður leikari og kennari. Hefur starfað við leikhús, sjónvarp, útvarp, kvikmyndagerð, kennslu og var varaþingmaður Hreyfingarinnar.

Við bjóðum hann hjartanlega velkominn í hópinn.

Birt í Uncategorized | Færðu inn athugasemd

Efnisöflun hafin

Efnisöflun í ritverkið Ísland, atvinnuhættir og menning er formlega hafin.

Við höfum sent út tölvupóst til þeirra sem ætla að skila inn efni í þessum fyrsta hluta og einnig mun greinaskrifari og ljósmyndari vera í sambandi við þá sem þess hafa óskað.

Varðandi efnistök þá vísum við í leiðbeiningar varðandi efnisskrif en þar ert ýmsir punktar sem ættu að auðvelda skrifin. (GREINASKRIF, leiðbeiningar)
Meginkafli greinarinnar er punktstaðan á þessum tímamótum og er fyrst og fremst spegilmynd atvinnulífsins en ekki síður fólksins í fyrirtækinu. Því má einnig hafa í huga ýmis konar uppákomur og merkileg tímamót sem hafa átt sér stað á liðnum árum.
Varðandi myndefnið þá leitum við helst eftir „lifandi“ myndum, þ.e. mynd af eigendum/stjórnendum, hópmyndir af stjórn eða fólki við leik og störf.

Birt í Uncategorized | Færðu inn athugasemd

Hátíðarkveðja

Birt í Uncategorized | Færðu inn athugasemd

Efnisöflun hefst á nýju ári

Formleg efnisöflun mun hefjast á nýju ári.

Við munum senda bréf til þeirra sem hafa ætlað að skila inn efni á þessu ári og fyrri hluta ársins 2018 fljótlega á nýju ári.

Varðandi efnistök þá vísum við í leiðbeiningar varðandi efnisskrif en þar ert ýmsir punktar sem ættu að auðvelda skrifin. (Island 2010_leidbeiningar)
Varðandi myndefnið þá leitum við helst eftir „lifandi“ myndum, þ.e. mynd af eigendum/stjórnendum, hópmyndir af stjórn eða fólki við leik og störf.

Birt í Uncategorized | Færðu inn athugasemd